Kyun Judaa Kiya Hai…

Kyun Judaa Kiya Hai Iss Kadar Uskee Aashna Sey Mujhey

Gar Sab Ka Hai Toh Phir Milaa Uss Khuda Sey Mujhey

Rehmat Mein Aisaa Koi Farmaan Likh Dey Tu

Gunah Karun Bhi Toh Aaye Sakoon Sazaa Sey Mujhey

Dil Sey Zaida Duur Nahin Thaa Safar Jab Dumm Toota

Sansein Mil Jaatein Gar Hota Na Bair Iss Hawaa Sey Mujhey

Cheer Kar Jigar Phir Rooh Mein Zapt Kar Ley Jo

Milaa Dey Bus Ek Baar Uss Humnawaa Sey Mujhey

Shamsheer-e-Taqdeer Sar Pey Swar Hai Meyray Magar

Suroor-e-Mohabbat Hai Darra Na Khauff-e-Qazaa Sey Mujhey

Yun Hee Gark Na Hotey Hum Bhi Iss Jahan Mein

Kash Miltee Hifazzat Ulfat Kee Panaah Sey Mujhey

Dehleez Pey Rukna Abhi Aye Maut Kay Farishto

Hisaab Karna Hai Abhi Uskee Razaa Sey Mujhey

Zindgi Jaaney Sey Pehley Phir Aaeena Jawani Ka Dikha

Hosh-o-Hawaas Hon Ab Sey Aur Ho Ishq Ibtidaa Sey Mujhey

Zehan Mein Thaa Aaye Hain Khas Maqsad Sey Gumnaam

Khyun Phir Aam Muddey Nigal Gaye Apnee Ishtahaa Sey Mujhey

Meaning of Key Words in English

Aashna: Acquaintance

Humnawaa: partner

Shamsheer-e-Taqdeer: sword of fate

Khauff–e-Qazaa : fear of death

Ibtidaa: beginning

Ishtahaa: hunger/greed