Veeraan Raastoun Mein

Waqt Kay Pairoun Pey Chal Rhaa Hoon

Aawaaraa Hwaa Nay Mujhay

Humsafar Banaayaa Hai

Kuchh Baatein Beshaq Kahi Naa Jaayein

Phir Bhi Maaeenay Rakhti Hain

Kuchh Yaadein Chaahay Dauhraaee Naa Jaayein

Phir Bhi Aaeenay Rakhti Hain

Teri Dhoop Meri

Chhaaon Kaa Aaraam Thhee

Meri Shab Toh Ranjishon

Kaa Intezaam Thhee

Shayari Ehlay Akal Kaa Imtehaan Hai

Yeh Naveeday Subaah Kee Tarjumaan Hai

Yeh Khud Mein Ek Wajood Hai

Yeh Ehsaason Kaa Kalaam Hai

Dooriyaan Hain Phir Bhi Woh Paas Hai

Woh Dil Mein Panaptaa Ek Ehsas Hai

Khaamoshee Kee Woh Meethhi Aawaaz Hai

Meri Rooh Ka Woh Sooreelaa Saaz Hai

Kabhi Dooriyon Kay Darmiyaan

Kabhi Qurbaton Kay Kareeb Sey

Unn Dharhkano Ko Aashiaan

Kabhi Mil Gaye Naseeb Sey

Jis Dharhkan Ka Tu Raaz Hai

Jis Saaz-e-Dil Kee Tu Aawaaz Hai

Jis Rooh Kee Tu Namaaz Hai

Phir Kyon Tu Ous Sey Naaraaz Hai

Sehraaon Mein Dumm Ghout Rhaa Hai

Bahaaron Sey Kehdo Rukh Badal Jaayein

Aawaaraa Ghoum Rahay Hain Aasmaan Mein Jo

Inn Baadalon Sey Kehdo Ki Abh Baras Jaayein

Ek Shaam Tu Meray Naam Kar

Phir Chaahay Naa Kabhi Salaam Kar

Qaid Hotay Nahin Hain Lamhay Haseen

Yeh Naseeyat Hai Hidaayat Nahin

Sapno Kee Sehar Mein

Jazbon Kay Shehar Mein

Meray Toottey Aashian Ko

Kyoon Aur Torhay Jaa Rahay Ho