Chauraahay Pey Jurm Hua Hai Abhi

Kisi Gawaah Nay Dekha Nahi

Jisnay Zameer Gawaa Kay Dekha Hai

Mainay Har Ous Gawaah Ko Dekha Hai

Yeh Pathhar Bhi Hai

Meray Dil Kee Tarah

Torhtay Hain Sab Issey

Torhnay Kay Liye

Khilay Gulshan Mein Oun Gunchoun Kay Beech

Ous Murjhaaye Huay Phool Ko Main Kya Bataaoon

Kehdoon Kay Yeh Thhi Khudaa Kee Hee Rzaa

Yaan Phir Ousey Dou Ghount Paani Aur Pilaaoon

Meray Zakham Kaa Naa Koee Kinaara Thhaa

Yeh Samunder Sey Bhi Gehra Thhaa

Kaash Woh Lehrein Sun Leyteen

Mera Dil Jo Yeh Keh Rhaa Thhaa

Ek Lamhaa Udaasi Kaa Hai Youn Bhi

Jiss Mein Shaamil Aaj Hai Tu Bhi

Iss Lamhay Kaa Humsafar Hai Tu Bhi

Aur Ek Qaatil Iss Mein Hai Tu Bhi

Zarraa Zarraa Meraa

Kehtaa Hai Har Zubaan Mein

Jhoothha Thhaa Har Sapnaa

Dekhaa Jo Iss Jahaan Mein

Teri Aankhoun Kay Samundar Mein

Yeh Hulchul Hai Nayee

Kyun Kinaaroun Nay Yahaan

Aaj Dum Torhaa Hai

Ruk Jaatey Hain Meray Alfaaz

Zubaan Tak Aanay Sey

Ruktay Nahin Hain Yeh Jazbaat

Ashq Bann Kar Aanay Sey

Jo Ehsaas Zubaan Pey Nahi

Woh Meray Shaoor Mein Kyun

Jo Meray Itnay Kareeb Hai

Woh Mujhsey Door Kyun